árið er senn á enda

31. desember 2008

og þetta skeði hjá mér árið 2208…

janúar :

í janúar var ég 113 kg og komin með grænt ljós á aðgerðina.

febrúar:

var ég standby það aðgerðarholl, en ekkert varð úr því en samt sem áður, fékk að vita ég yrði með þeim fyrstu í næsta aðgerðarholli.

mars:

fékk að vita útúr blóðprufum og var með eitthvað alltof hátt kalkhormón. Viðurkenni hér með að ég fór ansi niður í þunglyndi og vitandi að ég fengi kanski ekki að fara í aðgerð, byrjaði ég að borða og þyngdist. :( hreyfði mig ekkert eða slíkt.

apríl:

fékk grænt ljós hjá efnaskiptafræðingum að fara í aðgerð.. og fór þann 10 apríl í hana. Þegar ég fór í þessa aðgerð var ég 122.4 á viktinni heima hjá mér.  Viku seinna var ég komin niðrí 117

maí:

voru farin 12 kg af mér og ég svakalega ánægð með það :)

júní:

106 kg orðin :) og átti ég afmæli 20 júní og leið mér frábærlega

júlí:

vantaði mig ekki nema 2 kg um að komast í 2 stafa tölu. Man ekki hvenær ég var svona létt

ágúst:

fór til danaveldis í 2 vikur og missti 5 kg á labberíinu. Og rokkaði milli 95-96 kg

september:

komin niðrí 93 kg og náði mér í karlmann :) svakalega hamingjusöm

oktober:

89,5kg og fann gömul náttföt sem ég hafði aldrei komist í . Mér leið frábærlega :)

nóvember :

ekki mikið skrifað en samt sem áður, var ég í 87 ca :)

desember:

frá 10 apríl til dagsins í dag er ég búin að missa ….  38.8 kg !!!! pæliði í því næstum 40 kg á 8 mánuðum :)

frá því sem ég var þyngst í maí 2007 var ég 141 og núna 83,6 og reikniði nú !

57.4 kg farin á einu og hálfu ári :)

en svona var árið 2008…

hvernig verður árið 2009.

mitt markmið er að komast niður um 15 kg fyrir 1 júní. Tekst mér það… jæja þið munuð sjá það

bestu áramótakveðjur

Ágústa svakaskutla

vonandi hafði haft það gott um jólin. Mín jól voru frábær. Góður matur en ekki gat ég borðað eins mikið og ég hef alltaf gert.

Á aðfangadagskvöld var ég borðandi af disknum mínum fram eftir kveldi. Og búhú ég gat ekki borðað ísinn minn :( hehe en svona er þetta, er samt rosalega sátt hef ekkert þyngst. Fór á viktina og var í morgun 84,6 kg

Þorláksmessa !!!

23. desember 2008

og viktin segir 84.5 :) æðislegt ekki satt. Omg vitiði ég mátaði fermingarkjólinn minn og ég komst í hann :) smá bumba sem þarf að losna en ég kemst í hann :)

fór á göngudeildina í gær og var pínu skömmuð afþví ég hef ekki tekið vítamínin mín og járnið og b12 er alveg já á ekki á góðum stað. Ef ég hefði ekki farið í gær væri ég að fara á hættulegan stadus næringalega séð :( en sambandið við járnið ætti ég eki að geta verið vakandi á daginn hehe.. en ég er orðin svo vön að vera járnlaus og finn ekki fyrir því, nema á einu leyti ég get sofið allan sólarhringinn :)

en já markmiðið mitt er náð.. Að komast undir 85 kg á aðfangadag :)

brjóstin hverfa :(

18. desember 2008

já þegar maður minnkar þá minnka brjóstin víst líka. Tja hef alltaf keypt mér brjóstahaldara í 90 c og núna kemst ég í 75 c pælið í því :)

og fyrst ég er að nálgast 85 kg þá stefni ég á 10-15 kg í viðbót það væri æðislegt.

ef satt skal segja hef ég ekki verið dugleg að fara í endurkomu niðrá göngudeild. :( smá hræðsla hehe út af því ég veit ég var ódugleg að taka vítamínin mín og járnið hjá mér er lágt og fleira og fleira. En ég varð svo dugleg að panta tíma og má mæta á mánudaginn og á morgun þegar ég er búin að fara með dóttluna út á flugvöll þá fer ég í blóðprufu :) jejjjj.. og ég sem hata blóðprufur. En þetta verð ég að þola :)

en já læt vita hvað kemur út úr blóðprufunum…

kv Ágústa

bara 700 grömm :)

17. desember 2008

í 85 kg váááá :) ég er svo ánægð

hey svo fór ég í zikzak í dag og ætlaði að máta pils. Jújú ég tók af slá pils nr 50 eins og ég var vön mín stærð. ég fór í það haha og það rann aftur niður ég bað afgreiðslustúlkuna að fá aðeins minna. Og jújú hún rétti mér annað pils ég fór í það og viti menn það er nr 42 :)   ég er enn að ná því hahah

ég verð æðisleg um jólin núna

86,7 :)

ég er búin að finna flotta jólakjóla. Loksins mun ég vera fín um jól :)

Komin með karl og alles, bjóst sko engan vegin á þessu ári að finna mér draumaprinsinn, en hann kom sko óvænt. Og hann elskar mig eins og ég er :) sem er æði. Ég hef sýnt honum myndir af mér síðan ég var sem feitust. Hehe Og já það er aldeilis munur á mér.

En ég er hamingjusöm